پەیاما پیرۆزباهیێ یا مەکتەبا رێکخستنا پارتی دیمۆکراتی کوردستان ب هەلکەفتا جەژنا چلێ هاڤینێ یا ئێزدییان
ب هەلکەفتا هاتنا جەژنا «چلێ هاڤینێ» گەرمترین پیرۆزباهییان ل تەڤایا ئێزدیخانێ، جەنابێ میرێ ئێزدییان، بابا شێخ و هەموو چلەگران دکەین، ئۆمێدەوارین ئەڤ جەژنە یا تەبای، ئێکرێزی و پێکڤەژیانێ بیت..
ب درێژاهییا دیرۆکێ کورد ئاشتیخوازن، فەرهەنگا پێکڤەژیانێ و هەڤدوقەبوولکرنێ ئافراندییە هەر وەکو د سەبەقەکا ئێزدیاتییێ دا هاتی: «چی دنیایەکە رەنگینە، یە تژیە ژ ئۆل و مەزهەب و دینە، هەرکەسەک ب زارێ خۆ خودێیێ خۆ دحەبینە».
جەژنا چلێ هاڤینێ کو هەڤدەمە ل گەل سالڤەگەرا دوازدێ یا جینۆسایدا ئێزدییان، لەوما دوعا ژ یەزدانێ مەزن دکەین کو تەڤاهی گرتیێن دەستێ تیرۆرا رەش ئازادببن، هەروەها خەلکێ مە یێ ئاوارە و پەریشان دوبارە ڤەگەرنە وارێ خۆ ب سەربلندی، ل ڤێرە ژی جارەکا دی دوپات دکەین کو بجهئینانا «رێککەفتنا شنگالێ» تاکە چارەیە ژ بۆ ئاساییبوونا رەوشا شەنگالێ و ڤەگەراندنا روومەتا خەلکێ مە.
دوباره جهژنا وه پيرۆز بیت
مەکتەبا ڕێکخستانا پ.د.ک ل بەھدینان
٢٠٢٦⁄٨⁄٢
