پڕۆژەیا “داهێنان ژ پێخەمەت هیڤیێ” ئەپلیکەیشنا KTTS ل ئاکرێ هاتە کاراکرن
ئەڤڕۆ ل قەزایا ئاکرێ ژ لایێ “ئارین مەسرور بارزانی” دامەزرێنەرێ کوردستان فاوندەیشن، ئەپلیکەیشنا (KTTS) هاتە ڕاگەهاندن کو تایبەتە ب نابینایان. ئەو کەسێن نابینا دشێن دەقێن نڤیسینا کوردی یێن سەر لاپتۆپ و شاشەیان بکەنە دەنگ و وەکی کەسەکێ ئاسایی بخوینن و گوه لێ ببن. ئەڤ پڕۆژەیە بۆ خزمەتا پتر دێ بەردەوام بیت و ل ڤێ گاڤێ د قۆناغا دەستپێکێ دایە.
ئەڤ ئەپلیکەیشنە پڕۆژەیەکێ ستراتیژی و نەتەوەیییە بۆ گوهۆڕینا (دەق بۆ دەنگ) ب زمانێ کوردی کو خزمەتەکا مەزن پێشکێشی زمان و تەکنەلۆژیایا کوردی دکەت، هەروەسا ئارمانج ژێ ئاسانکارییە بۆ بکارهێنەرێن زمانێ کوردی د جیهانا دیتجیتالیدا.
ئەو ڕێوڕەسمە د ناڤ ئاڤاهیێ مێژوویی یێ قشڵەیا ئاکرێ دا هاتە ئەنجامدان ب ئامادەبوونا قایمقامی قەزایا ئاکرێ و ژمارەیەک ژ بەرپرس و مێڤانان، کو ئەپلیکەیشنا (KTTS) د بن ناڤێ “پڕۆژەیا داهێنان ژ پێخەمەت هیڤیێ” هاتە کاراکرن. ئەپ بۆ گوهۆڕینا نڤیسینێیە بۆ دەنگێ خاندنا کوردی. ب ڕێکا ڤێ ئەپێ تو دشێی تێکستان بنڤیسی و ب دەنگ بخوینیت، هەروەسا دەنگی بۆ ڤیدیۆ و مۆنتاژێ دروست بکەی، و دشێی کۆڤار، نووچە یان پۆستان ب دەنگ بخو
کعب سورچی
