مەسرور بارزانی، سەرۆکی حکومەتی هەرێمی کوردستان لە لێدوانێکدا بۆ کەناڵی جەزیرە ڕایگەیاند
پشتیوانی لە حکومەتی عێراق دەکەین لە قۆرخکردنی چەک تەنها لە دەستی حکومەت.
هیچ لایەنێک فشاری لێنەکردووین بۆ بەشداریکردن لە شەڕدا، و نامانەوێت ببینە لایەنێک لە هیچ ململانێیەکی ناوچەکەدا.
ئەوەی دەمانەوێت پاراستنی هەرێمی کوردستان و دوورخستنەوەیەتی لە هەر ئاڵۆزی و ململانێیەک.
هەرێمی کوردستان ڕووبەڕووی زیاتر لە هەزار هێرشی مووشەکی و درۆنی بووەتەوە.
هێرشەکانی سەر هەرێم ڕاستەوخۆ لە ئێرانیشەوە بوون، یان لە ناوخۆی عێراقەوە لە ڕێگەی هەندێک لە میلیشیاکانەوە ئەنجامدراون.
هیچ پەیوەندییەکمان لەگەڵ ئیسرائیلدا نییە، و سیاسەتی دەرەوە لە تایبەتمەندییەکانی حکومەتی فیدراڵییە.
ماوەی دە ساڵە هیچ سەربازێکی ئەمریکی لە فڕۆکەخانەی هەریردا نییە.
پەیوەندییەکی باشمان لەگەڵ دیمەشقدا هەیە و لە گەشەکردندایە، هەروەها پەیوەندییەکانمان لەگەڵ تورکیا زۆر باشە و ئاڵوگۆڕی هاوکاری بەخۆیەوە دەبینێت
