دەرچوویێن ڤێ پشکێ دهێنە دامەزراندن
دەستەیا ژینگەها هەریمێ ڕاگەهاند، داخاز ژ قوتابیێن دەرچویێن پشکا ژینگەهێ ل هەرێمێ کر کو سیڤیێن خۆ ببەنە فەرمانگەهێن ژینگەهێ ل باژێڕین خۆ ب مەرەما دامەزراندنا وان، دبێژیت ژی، “مووچەیێن وان ژ ٥٠٠ هزار دیناران دەستپێدکەن هەیا ملیۆنەک و ٥٠٠ هزار دیناران”.
ژ ئالیەکێ دی سەرۆکێ دەستەیا ژینگەها هەرێمێ بەحسێ کۆمەکا دەلیڤەیێن کاری دکەت بۆ دەرچوویێن پشکا ژینگەهێ ل زانینگەهێن هەرێمێ ل هەولێر و سلێمانی و دهۆکێ ، دبێژیت ژی، ٨٠٧ کەسن دێ هێتە دامەزراندن.
هەروەسا بەحسا وێ چەندێ کر ئەو دەرچوویێن ببن وەک بالیۆز دناڤبەرا دەستە و کۆمپانیان و رێکار و ڕێنمایێن مە بۆ کۆمپانیان ڤەدگۆهێزن هەیا کو ڕەوشا ژینگەهێ باشتر ببیت. گوت ژی، هەر کارمەندەک ژی کارێ خۆ وەک خۆ نەکەت دهێتە دویرخستن ژ کارێ وی.
دەربارەی مووچەیێ وان بەحسا وێ یەکێ کر، کو ژ ٥٠٠ هزار دیناران دەستپێدکەت هەیاکو دگەهیتە ئێک ملیۆن ٥٠٠ هزار دیناران لدویف مەزنیا کۆمپانیێ، باوەڕنامە ژی بەکاڵۆرۆس سەرڤە دهێنە وەرگرت.
سەرۆکێ دەستەیێ بەحسا وێ یەکێ ژی کر، سالانە و مەهانە بسەدەما پێگیر نەبوونا کۆمپانیان ب مەرجێن وان ب بکۆژمێ پارەییەکێ زێدە دهێنە سزادان ئەۆ پارە دبیت ببیتە مووچە بۆ دەلیڤەیێن کاری بۆ دەرچویێن وان پشکا پەیدادکەت.
عبدالرحمن سدیق ئاماژە ب وێ یەکێ ژی کر، ھەر وەزارەتەک دکاریت دەرچویێ پشکا خۆ دابمەزرینیت وەک چەوا مە دەست پێکری ددەمەکێ کێمدا هەمی دەرچوو دێ هێنە دامەزراندن.
