دوو: ئادابێن دگەل پێغەمبەری (ﷺ)

دوو: ئادابێن دگەل پێغەمبەری (ﷺ)

١. گوهدانا فەرمانێن وی: هەر تشتێ پێغەمبەری (ﷺ) فەرمان پێ کری، دڤێت ئەم بێ دوودلی جێبەجێ بکەین چونکی فەرمانا وی فەرمانا خودێ یە. (مَنْ يُطِعِ الرَّسُولَ فَقَدْ أَطَاعَ اللَّهَ) [النساء: ٨٠].

٢. پێشێخستنا حەزژێکرنا وی: دڤێت ئەم پتر ژ نەفسا خۆ و دایک و باب و زارۆکێن خۆ حەز ژ پێغەمبەری (ﷺ) بکەین. پێغەمبەر (ﷺ) د بێژیت: ((لَا يُؤْمِنُ أَحَدُكُمْ حَتَّى أَكُونَ أَحَبَّ إِلَيْهِ مِنْ وَالِدِهِ وَوَلَدِهِ وَالنَّاسِ أَجْمَعِينَ))، (متفق علیە، البخاري: ١٥).

٣. سلاڤدان ل سەر وی: هەر دەمێ ناڤێ وی هاتە گۆتن، دڤێت ئەم ب ڕێزڤە بێژین (ﷺ) یان (اللهم صل علی محمد). خودێ تعالا دبێژیت: (إِنَّ اللَّهَ وَمَلَائِكَتَهُ يُصَلُّونَ عَلَى النَّبِيِّ يَا أَيُّهَا الَّذِينَ آمَنُوا صَلُّوا عَلَيْهِ وَسَلِّمُوا تَسْلِيمًا) [الأحزاب: ٥٦].

٤. ساخکرنا سوننەتا وی: دڤێت ئەم رابین ب بەڵاڤکرن و کارپێکرنا سوننەتێن وی، ب تایبەت دەمێ خەلک ژێ دویر دکەڤن. پێغەمبەر (ﷺ) د بێژیت: ((عَلَيْكُمْ بِسُنَّتِي وَسُنَّةِ الْخُلَفَاءِ الْمَهْدِيِّينَ الرَّاشِدِينَ))، (رواە أبو داود: ٤٦٠٧، وصححە الألباني).

٥. ڕێزگرتن ل حەدیسێن وی: دەمێ فەرموودەیەکا وی دهێتە خاندن، دڤێت ب بێدەنگی و ب ڕێزڤە گوهـ لێ بهێتە گرتن و ب کێم نەهێتە دیتن. خودێ تعالا دبێژیت: (يَا أَيُّهَا الَّذِينَ آمَنُوا لَا تَرْفَعُوا أَصْوَاتَكُمْ فَوْقَ صَوْتِ النَّبِيِّ) [الحجرات: ٢].

٦. باوەری ب دەنگوباسێن وی: هەر تشتێ وی بەحس کربیت ژ غەیبێ و رویدانێن بۆری یان داهاتی، دڤێت ئەم باوەریێ پێ بینین بێ گومان. خودێ تعالا دبێژیت: (وَمَا يَنْطِقُ عَنِ الْهَوَى * إِنْ هُوَ إِلَّا وَحْيٌ يُوحَى) [النجم: ٣-٤].

٧. بەرەڤانیکرنا ژ وی: دڤێت موسلمان بەرەڤانیێ ژ کەسایەتی و سوننەتا پێغەمبەری (ﷺ) بکەت ل بەرامبەر نەزان و دوژمنان. خودێ تعالا دبێژیت: (فَالَّذِينَ آمَنُوا بِهِ وَعَزَّرُوهُ وَنَصَرُوهُ … أُولَئِكَ هُمُ الْمُفْلِحُونَ) [الأعراف: ١٥٧].

٨. چاڤلێکرنا رەوشتێن وی: دڤێت ئەم د هەمی رەوشت و لڤینێن خۆ دا چاڤ ل وی بکەین، چونکی ئەو باشترین نموونەیە. خودێ تعالا دبێژیت: (لَقَدْ كَانَ لَكُمْ فِي رَسُولِ اللَّهِ أُسْوَةٌ حَسَنَةٌ) [الأحزاب: ٢١].

٩. حەزژێکرنا بنەمال و هەڤالێن وی: ڕێزگرتن و حەزژێکرنا خێزانێن وی و هەڤالێن وی بەشەکە ژ حەزژێکرنا پێغەمبەری (ﷺ).
پێغەمبەر (ﷺ) د بێژیت: ((اللَّهَ اللَّهَ فِي أَصْحَابِي، لَا تَتَّخِذُوهُمْ غَرَضًا بَعْدِي))، (رواە الترمذي: ٣٨٦٢، وحسنە الألباني).

١٠. نە پێشێخستنا ئاخفتنا کەسەکی ل سەر یا وی: نابیت ئاخفتنا چ زانا یان سەرکردەکی پێش بێخی لسەر فەرموودەیەکا سەحیحا پێغەمبەری (ﷺ). خودێ تعالا دبێژیت: (يَا أَيُّهَا الَّذِينَ آمَنُوا لَا تُقَدِّمُوا بَيْنَ يَدَيِ اللَّهِ وَرَسُولِهِ) [الحجرات: ١].

١١. شەوق و حەزکرنا دیتنا وی: دڤێت دلێ موسلمانی پڕی شەوق بیت بۆ دیتنا وی ل بەحەشتێ و ل سەر حەوزا کەوسەرێ.
وەکی پێغەمبەر (ﷺ) بەحسێ هندەکا دکەت کو: ((يَوَدُّ أَحَدُهُمْ لَوْ رَآنِي بِأَهْلِهِ وَمَالِهِ))، (رواە مسلم: ٢٨٣٢).