ئەگەرێ دیرکەفتنا مرۆڤانیێ ژ ئێک دوو
⚠️ئەگەرێ دیرکەفتنا مرۆڤانیێ ژ ئیک و دوو
ئەرێ بەرپرسێ سەرکی کییە
بنەماڵ یان ژی جڤاک…؟!
▪️نڤیسەر: فەرهاد فەتاح سندی/زاخۆ
💡دجیهانا ئەڤڕۆ دا، ئەم هەست ب ساربوونا پەیوەندیێن جڤاکی و دیرکەتنا مرۆڤان ژ ئیک و دوو دکەین. مرۆڤایەتی نەبتنێ پەیڤەکا جوانە، بەلکو بناغێ بەردەوامیا ژیانێ یە. بەلێ پرسیارا هەرا گرنگ ئەوە: کی بەرپرسێ سەرەکی یە؟
( خێزان یان ژی جڤاک؟ ).
📌 ئەگەرێن سەرەکیێن دیرکەتنا مرۆڤان:
١- تەکنۆلۆژیا و سۊشیال میدیا: د دەمەکێ دا ئەم ب شاشەیان ڤە گرێداینە ئەم ژ دلێن ئیک و دوو دیر کەفتینە. زانایێ جڤاکی زیگمۆنت باومان دبێژیت: ” پەیوەندیێن ئەنتەرنێتێ ب ساناهی چێدبن و ب ساناهی ژی ژناڤ دچن، لەوما مرۆڤ هەست ب تەنهاییێ دکەت. “
٢- ململانێیا مادی: بزاڤا مرۆڤی بۆ بدەستڤەئینانا سەروەت و سامانێ زێدەتر،وای لێکریە کو بەرژەوەندیا تایبەت بێخیتە بەرێ هەمی تشتەکێ.
٣- کێمبوونا هەڤسۆزیێ( Empathy ):شیانا هەستپێکرنا ب ئێشا کەسەکێ دی بەرەڤ نەمانێ دچیت.
⚖️ کێ بەرپرسە؟ ( بنەماڵ یان چڤاک ):
دراستی دا، ئەڤە بازنەکا پێکڤە گرێداێە، لێ دابەشکرنا ئەرکان بڤی ڕەنگی یە:
▪️بنەماڵ ( قوتابخانا ئیکێ ): خێزان قوتابخانا ئیکێ و گرنگترین سەنتەرێ ڕەوشت و ئەخلاقێ مروڤایەتیێە، ئەگەر زاڕۆک لسەر بنەمایێ حەزژێکرنا بێ مەرج و هاریکارییا دیتران نەهێتە پەروەردەکردن، دێ مرۆڤەکی خۆپەرست ژێ دەرکەڤیت، ڤی دەمی بنەماڵ بەرپرسە ژ چاندنا تۆڤی. دڤێت خێزان گەلک هشیار بن و خۆ دیر بکەن ژڤی جورێ پەروەردەکرنا زاڕۆکێن خۆ.
▪️جڤاک ( ژینگەها گشتی ): جڤاک ئەو ئەردێیە کو ئەو تۆڤ لێ شین دبیت. سیستەمی پەروەردێ، یاسا، روەشا ئابووری یا جڤاکی دشێن وی مرۆڤی بەرڤ تەباییێ ببەن یان بەرەڤ هەڤرکیەکا توند و سار.
🔸️” ئەلبێرت شوایتزەر هەڵگرێ خەلاتێ نۆبل دبێژیت: ” مرۆڤایەتی نە ڕەوشتەکە مرۆڤ فێر ببیت، بەلکو سروشتەکە دڤێت بهێتە پاراستن. “
🔺️ خالێن گرنگ بۆ مە:
بۆ ئەڤی مرۆڤایەتی دناڤبەرا مە و جڤاکی دا نەمرت پێدڤی ب ڤان پێنگاڤانە:
▪️پەیوەندیێن ڕوو ب ڕوو ب هێز بکەین.
▪️ڵ شینا دادوریێ( Judgement ) لێکگەهشتنێ بکار بینین.
▪️خێزان وەک سەنگەرێ ئیکێ بۆ پاراستنا بهایان ببینین.
📌پەیاما من ڵ دوماهیکێ:
” بلا تەکنۆلۆژیا مە نەکەتە رۆبۆت، مرۆڤایەتی د دڵەکێ گەرم و دەستەکێ هاریکار دایە. “
