ئەڤرۆ سالڤەگەرا ڕۆژا شەهیدبوونا ڕۆژنامەڤانا چەلەنگ”شیفاء گەردی” یە و بیرئانینەك ؛

ستێرا کۆردستانێ

بەری روژێن تە بداوی بێن
سەرێ وەرزێ بوهارێ بو
خەملا ئادار و نەوروزێ
ل هیڤیا گرنژینا تە بو
دێمێ تەیێ ژ رەنگێ گولا
بگرنژین ڤە
ئەو مایکا ل ناڤ دەستێن تەدا
پر پەیامێن
مژدە و سەرکەفتنێ بوون
ژ نیشکەکێ ڤە
چ ئێڤاریەکا درەنگ بو
بەری روژا مە بچیت ئاڤا
پەیاما شەهیدکرنا تە
گەهشتیە مە
چ دەنگڤەدا

چ داخەك تە ل دلێ مەدا
ل مە هەمیان بی گری و زێمار
بوتە بخەمن تەڤ گوند و شار
تلیلیێن دایکێت شەهیدا
پێ گازی دکر هاوار هاوار
تو هیمایێ ئازادیێ
جان گورییا ئەڤێ رییێ
خەم هلگرێن ڤێ شینیاتە
خوە خەملاندن رەش و شینی

مە دگوت …
ئەم هەمی دێ مرن
قەت چ جاران تو نامری
بوهارا مە ژبەر تە بەهی
ل مەهەمیان بی شینیێ و گری
چیا و کەڤرو تەراش
دارو بەرێن ڤی وەلاتی
کانی و سیلاڤ
چ زوی هشك بوون
مانە بێ ئاڤ
گول و نێرگز
زی چرمسین مانە بێ خوناڤ
بلبل هەمی مانە بێ دەنگ
کەوێ روباد ژی ناقەبن
داماینە لێ شکەستن چەنگ
بو ئێکودوو یێ ڤەدگێرن
کانێ ئەو ستێرا شوخ و شەنگ

هەلبەست / زەنون سلێڤانەی