شاندەکێ مەکتەبا ڕێکخستنا پارێزگەها دهۆک سەرەدانا مالا “طوبی للرحماء” یا دانعەمرێن ئافرەت کر
شاندەکێ مەکتەبا ڕێکخستنا پارێزگەها دهۆک سەرەدانا مالا “طوبی للرحماء” یا دانعەمرێن ئافرەت کر
ئەڤرۆ رۆژا دووشەمبی ١٩ی چەیا ئێکێ یا سالا ٢٠٢٦ێ، د. ڤیان سلێمان، هاریکاریا بەرپرسێ مەکتەبا ڕێکخستنا پارتی دیموکراتی کوردستان ل بەهدینان، دگەل هەڤالێن بەشێن مەکتەبێ، مەکتەبا ڕێکخستنا پارێزگەها دهۆک و ئیدارەیا سەربەخۆ یا زاخۆ، سەرەدانا مالا “طوبی للرحماء” یا دانعەمرێن ئافرەت کر، کو سەر ب ڕەهبانێن کچێن دلێ یەسوعی پیرۆز ڤەیە.
د ڤێ سەرەدانێ دا، شاندێ مەکتەبا ڕێکخستنێ ژ نێزیک ڤە ئاگەهداری ڕەوش و خزمەتێن مرۆڤی و تەندروستی یێن پێشکێشی دایک و ئافرەتێن دانعەمر دهێنە کرن بوون.
ئەڤ سەرەدانە د چارچوڤێ گرنگیدانا بەردەوام یا پارتی دیموکراتی کوردستان ب هەمی تەخ و چینێن جڤاکی و ب تایبەت ب دانعەمران دهێت، کو ب ڕێز و قەدرەکێ مەزن ماف و خزمەتێن وان د پاراستینە و گرنگیەکا تایبەت پێ دهێتە دان.
د دوماهییا سەرەدانێ دا، سوپاسییەکا دلسۆزانە ئاراستەی سەرپەرشت و کارمەندێن ڤێ مالێ هاتە کرن، ژ بەر وی کارێ دلسۆزانە و مرۆڤدۆستییا مەزن یا کو ب ئەرکەکێ پیرۆز ڕادبن، هەروەسا هیڤییا سەرکەفتنێ بۆ وان هاتە خواستن د کار و خزمەتێن وان دا
