پێشمەرگەیێ ئێکگرتی پاراستنا قەوارەیە د سەردەمێ گۆڕانکارییان دا

ئاوارە نێروەیی

هەمیشە هێزا پێشمەرگەی د دلێ هەر کوردەکێ دا کانییا شانازی و باوەریێ بوویە پێشمەرگە ناسنامەیا مان و نەمانا مەیە، بەلکو راستییەکەو دڤێت پێش چاڤ بیت ل سەردەمێ هێزێن جودا و جودا و یەکەیێن سەربازی یێن سەر ب حزبان ڤە وەک یەکەیێن (70 و 80) پێدڤی بوو دگەل گۆڕانکاریێن سەردەمی و دۆزا مە یا ڕەوا هاتبانە گۆهورین .
ئەڤڕۆ پروسەیا ب بڕیارەکا مێژووی ڤێکخستن و رێکخستنا ئەڤان هەردوو هێزان ل بن سیبەرا وەزارەتا پێشمەرگەی دا هاتە ئەنجامدان و هەروەها ئەڤ ڤێکخستن و رێکخستنا ڤان هەردوو هێزان بتنێ بڕیارەکا کارگێڕی نینە بەلکو پێدڤییەکا نیشتمانی و ستراتیژیە بۆ پاراستنا دەستکەفتێن مە و هێزا پێشمەرگەی بتنێ ناسنامەکا نیشتمانی هەبیت و ل ژێر سێبەرا وەزارەتەکا ئێکگرتی دا بیت و ئێدی پێشمەرگە نەبیتە لایەنەک د ململانەیێن سیاسی دا بەلکو دێ بیتە هێزا مللەتێ کوردستانێ بێی جوداهی .
ئەڤڕۆ ئەڤ یەکگرتنە پێگەهێ هەرێما کوردستانێ لسەر ئاستێ نێڤدەولەتی ب هێزتر لێ دکەت و هەمیشە ل بەغدا کێشە بۆ بودجە و شایستەیێن دارایی یێن پێشمەرگەی دهاتە دروستکرن ب بهانەیا هندێ کو ئەڤ هێزە حزبی نە و ب فەرمیبوونا ڤان هێزان دناڤ سیستەمێ بەرەڤانیێ دا ئەڤ بهانەیە نامینیت و دێ پێگەهێ یاسایێ پێشمەرگەی د سەلمینیت و بێگومان، گوهورینا سیستەمەکێ چەندین سالا یێ هێزێن پێشمەرگەی بۆ یەک فەرماندەییا ناڤەندی کارەکێ ب ساناهی نینە و پێدڤی ب پشکنین و ڕاهێنان و ئیرادەکا سیاسی یا ب هێز هەیە.
هەروەها پێشڤەچوونا ڤێ پرۆسەیێ نیشانا هندێ یە کو ئیرادەیا دەولەتداریێ ل سەر دەستێوەردانێن حزبی یا سەرکەفتی بیت و ل دوماهیێ پاشەرۆژا هەرێما کوردستانێ د ناڤچەکا پڕی ئالۆزدا پێدڤی ب سوپایەکێ ئێکگرتی یێ سەربازی مۆدێرن هەیە وەکی دهێتە زانین پێشمەرگەیێ ئێکگرتی پاشەڕۆژەکا ئارام و بەختەوەر بوو هەرێما کوردستانێ زامن دکەت .