پارتی و بەرەڤ شەمالکا 81 پری سەروەری
زەنون سلێڤانەی ؛
ئەڤڕۆ د ڤێ بابەتی دا، ئەم د راوەستین لسەر وێ دیرۆکا پڕی خەبات و سەروەری یا کو ب خوینا شەهیدان، ب جەهد و تەباتییا ڤی مللەتی و بڕیارێن چارەنڤیسساز هاتە نڤیسین. دیرۆکا بزاڤا ڕزگاریا کوردستانێ و ب تایبەت پارتی دیموکراتی کوردستان، هەردەم چرایەک بوویە کو ڕێیا ئازادی و سەربەخۆییێ بۆ مە ڕۆهن کری. د ناڤ ڤێ کاروانێ درێژ و پڕ ئەشکەنجە و سەختی دا، هندەک وێستگە و بەرەڤ هەین کو ب پیتیێن زێڕین ل ناڤ لاپەڕێن دیرۆکێ هاتینە تۆمارکرن؛ بێ گۆمان، بەرەڤ شەمالکا 81 ئێک ژ وانێستگەهێن هەر مەزن و کارتێکرەرە کو تموحی و هیڤییێن مللەتەکێ مەزن ب پڕی تێدا خۆیا دبن. پارتی؛ قوتابخانا خەباتێ و قەڵا دەستپێکرنێ
پارتی دیموکراتی کوردستان، ژ رۆژا دامەزراندنا خۆ ڤە ب سەرکردایەتییا مرۆڤێ مەزن و نەمر ملاستەفا بارزانی، نەهاتییە ناسکرن بتنێ وەکو حزبەکا سیاسی، بەلكو هاتییە ناسکرن وەکو قوتابخانا هشیارییا نەتەوەیی، قەڵا بەرگریێ و داكۆكیكارێ ڕاستەقینە ل مافێن زۆرداربووییێن ڤی مللەتی. هەر ژ شۆڕشا ئەیلولێ یا مەزن تا شۆڕشا گولانێ، و ژ ڕاپەڕینا ئازارا ١٩٩١ێ تا شەرێ دژى تیروریستیا داعشێ، پارتی هەردەم ل مژار و سەنگەرێن پێشیێ بوویە، نەهێلایە دەنگێ چەوساندنێ و ستەمێ لسەر مللەتێ مە زالدبیت.
خەباتا پارتی نیشانەکا زەلالە کو بڕیار و ئیرادە ل دەف خودانێن دۆزەکا ڕەوا، دێ هەمیشە ب سەرکەفتنێ تاجدار بیت. هەر چەندە ڕێکا خەباتێ پڕ بوویە ژ ئاستەنگیێ و پیلانان، لێ ب پشتبەستن ب باوەریا پۆلایین و پشتەڤانییا خەلكێ تێکۆشەر، پارتی شیا بەرگریێ ل کەرامەت و ئاخا کوردستانێ بکەت.. بەرەڤ شەمالکا 81 : ڕەمزەکا بەرگریێ و قوربانیدانێ
ئەگەر ئەم بەحسا بەرەڤ شەمالکا 80 و بەرەف 81 بکەین، ئەم بەحسا وێ هێز و پێگەهێ دکەین یێ کو بوویە سیمبولەک بۆ پاراستنا دەستکەفتێن هەرێما کوردستانێ. ڤێ بەرەڤێ و ڕێزبەندییا وێ، وەک پشکەک ژ سیستەمێ بەرگریێ و پێشمەرگەیێن قارەمان، نیشان دا کو خەبات و بەرخودان تنێ چەمکەکێ نینە، بەلكو ڕەفتار و ئیرادەیەكا بەردەوامە کو بۆ پاراستنا خاک و نیشتمانی د ئامادەباشییەكا تەواودا نە.
تەمەنێ خوەیێ 80 سالیێ دا ب هەڵوێستێن خوهیێن مێژوویی و پێشمەرگەیێن خوە یێن دەروون پڕی باوەری و باوەردار ب دۆزا پیرۆز، سەلماند کو هێزا پێشمەرگەی، د هەموو قۆناغەکان دا، قەڵایەکا پولایینە کو ل بەرامبەر هەموو بایێن توند و دەستدرێژییان د ڕاوەستێت. خەباتا ڤێ بەرەڤانی تژییە ژ داستانێن نەمر، ئەڤجا چ د ڕوویێ پاراستنا ئارامیێ ڤە یان ژی د پاراستنا سەقامگیرییا سیاسی و جڤاکی یا کوردستانێ دا بیت.، سەروەری و خەباتا پارتی بئێکرایی بۆ پاشەڕۆژەکا گەش
ئەڤڕۆ، دەمێ ئەم ل ڤێ خەباتێ و دیرۆکا پر سەروەری دڕوانین، ئەرکێ مە یێ سەرەکی ئەوە کو ئەم کەرامەتا ڤێ ڕێبازێ بپارێزین. پاشەڕۆژا کوردستانێ پێدڤی ب ئێکڕێزی، پشتراستبوون ب هێزا خودی، و ئارمانجێن نەتەوەیی یێن بلند هەمبێز دکەت.
پارتی و هەموو هێز و بەرەڤانیا وێ، وەک بەرەڤ شەمالکا 81 ڤە دچیت، دێ هەمیشە وەک مەشخەلەکا گەش ماینە کو ڕێیا پێشکەفتن، ئاڤەدانکرن و ئاشتیێ ل دەڤەرێ ڕۆهن بکەت. باوەریا مە ب ڤی مللەتی و ب ڤێ ڕێبازێ، مسۆگەرا بەردەوامیا سەروەری و قوربانیدانێن مە نە.
درود بۆ گیانێ پاکێ شەهیدێن ڕێیا ئازادیێ،
سەرکەفتن بۆ خەباتا ڕەوا یا مللەتێ مە.
