کابینا نەهێ: ئەزموونا خزمەتێ و ئاڤەدانیێ ؛
زەنون سلێڤانەی
نڤیسەرو روژنامەڤان ــ زاخو
ئەم د قۆناغەکا هەستیار و پر ژ ئاستەنگ دا دەرباز دبین، لێ د هەمان دەم دا، قۆناغەکا ئاڤەدانی و پێشکەفتنێ ژی یە. کابینا نەهێ یا حکومەتا هەرێما کوردستانێ، ژ رۆژا دەستپێکرنا ئەرکێ خۆ ڤە، کارلسەر وێ چەندێ کری کو ببیتە کابینا خزمەتگوزاریێ و ئاڤەدانیێ.
خزمەت ل سەر ئاستێ هەموو کەرتان
کابینا نەهێ باوەری ب وێ چەندێ هەیە کو خزمەتکرنا وەلاتیان ئەرکێ هەرە سەرەکی یێ حکومەتێ یە. د ڤی واریدا، کارێن بەرچاڤ هاتینە ئەنجامدان، ژ ئاڤاکرنا رێکان و پران هەتا باشترکرنا کەرتێ ساخلەمیێ و پەروەردێ. گەهشتنا خزمەتگوزاریان ب گوند و ناحیێن دویردەست، نیشانەکا وێ یە کو ئەڤ کابینە کار بۆ هەموو تاکەکێ ڤی وەلاتی دکەت، نە بتنێ بۆ دەڤەرێن سەرەکی.
پاداشت؛ ئەنجامێ کارێ باش
پاداشتا راستەقینە یا حکومەتێ، ئەو باوەری و پشتەڤانی یە یا کو ژ وەلاتیان وەردگریت. د هەمان دەم دا، حکومەتێ بزاڤ کری یە کو رێزێ ل هەر کەسەکێ بگرن یێ خزمەتا ڤی وەلاتی دکەت. هەر دەمێ حکومەت بێژیت سوپاس بۆ فەرمانبەرێن دلسۆز یان بۆ وەلاتیێن پابەند ب یاسایێ، ئەڤە پاداشتکرنا دەستکەفتانە و هاندانا پتر دلسۆزیێ یە. ،
ئاڤەدانی؛ ئارمانجا سەرەکی
پێنگاڤێن کابینا نەهێ بۆ ئاڤەدانیێ، تەنها ئاڤاکرنا دیواران نینە، بەلکو ئاڤاکرنا ژێرخانەکا ئابووری یا بهێزە. دیجیتالکرنا خزمەتگوزاریان گرنگیدان ب کەرتێ چاندنێ و پیشەسازیکرنا بەرهەمێن ناڤخۆیی، هەموو ئاماژەنە بۆ وێ چەندێ کو ئەم بەر ب پاشەڕۆژەکا گەشتر ڤە دچین. ئاڤەدانی ل دەڤ مە دگەل پاراستنا ژینگەهێ و گەشەپێدانا مرۆیی د هەڤسەنگن.
ئەم دزانین کو هێشتا کێماسی هەنە و د خوازین پتر خزمەت بکەین. دلسۆزیا وەلاتیان و پشتەڤانیا وان بۆ کابینا نەهێ، ئەوی وزەیێ ددەتە مە کو ئەم بەردەوام بین ل سەر رێکا ئاڤەدانیێ. بێگومان، ب هەڤکاری و بزاڤێن هەڤپشک، ئەم دێ شێین کوردستانەکا ئاڤەدانتر و بهێزتر بۆ نەوەیێن داهاتی بهێلین.
هەمیشە سەرکەفتی بن، و کوردستانا مە ئاڤەدان بیت. ؛
