خەبات و تێکوشینا سەروك بارزانیێ و رێبەرەك بێ راوەستیان

دمێژوویا گەلان دا بەشەکا سەرکردە یێن هاتین کو ژیان قەدەر پیخەمەت ئازادیێ و رزگاریا میللەتی وان دهێتە تەرخانکرن . کێم سەرکردە ل جیهانێ هەنە بو نموونە ( سەروك بارزانی ) کو ژیانا وی بخوە ببیتە پەرتوکەکا زیندی ژ خەبات و قوربانیدان و تێکۆشینا بەردەوام سەروك بارزانی نە بتنێ سەرکردەێەکی رامیاری یە ،
بەلکو ئەو قوتابیێ دلسوزوێ زانینگەها رێبازا پیروزا بارزانیێ و باوکی روحیێ نەتەوا کۆرد ( ملا مصطفی بارزانی ) یە ،
هەر ژ پێشمەرگاێەتیێ تا سەرکرداێەتیێ سەروك بارزانی ل ناڤ جەرگێ شورەشێ و ل سالا ١٩٤٦ ێ ل کۆمارا کۆردستان ل مهابادێ چاڤێن خوە لسەر ژیانێ ڤەکرن ئەو هەر ژ تەمەنێ گەنجاتیێ چەکێ شەرەفێ و کەرامەتێ و پێشمەرگاێەتیێ هلگرت د سەخترین قویناغێن شورەشا ئەیلون و گولانێ دا ل سەنگەرێن پێشیێ یێن بەرگریێ بوو بو وێ پێشمەرگاێەتیێ بەرزترین پلە و پوست بوو هەر وەك ئەو بخوە دبێژیت ( پێشمەرگەمە و مەزنترین شانازی بومن ئەوە وەك پێشمەرگە بژیم و بمرم )
بێگۆمان خەبات و تێکوشینەکا بێ راوەستیان داکوکی کرن ل قەوارێ هەرێمێ پشتی سەرهلدانا جەماوەریا سالا ١٩٩١ ێ و ئاڤابوونا قەوارێ رامیاری یێ هەرێما کۆردستانێ . ئەرکێ سەروك بارزانی دژوارتر لێ هات دقویناغێن ئاڤەدانکرن و دیموکراسیەت و پاراستنا دەستکەفتیێن گەلێ کۆردستانێ دا وی رولەکی سەرەکی و بێ راوەستیان گێرا د دژواترین قویناغێن دەربازبوویی دا نەخاسمە لسەر دەمێ شەرێ رێکخراوا تیروریستیا داعش هێرش کرە لسەر بەشەکا توخیب و دەڤەرێن هەرێما کۆردستانێ و دەڤەرێن ڤەقەتیایی سەروك بارزانی وەك فەرماندەیێ گشتیێ هێزێن چەکدارێن کۆردستانێ چەندین سال و مەها ل سەنگەرێن پێشیێ یێن بەروکێن شەری ل دژی تیرویستیان ما دا کۆ پشتراست بیت کۆ ئاخ و کەرامەتا کۆردستانێ یاپاراستیێ یە ،
رێفراندوم دەنگێ مافێ میللەتەکێ ئێك ژ مەزنترین و مێژووترین وێستگەهێن خەبات و تێکوشینا سەروك بارزانی رێبەراتی کرنا پروسەیا رێفراندوما سەربخویا کۆردستانێ ل (٢٥ی ئیلونێ یاسالا ٢٠١٧) ێ دا وێ قویناغێ دا بارزانی پەیاما گەلێ کۆردستانێ گەهاندە هەمی جیهانێ کۆ کۆرد ژی مافێ هەی وەك هەمی نەتەوەیێن دی یێن جیهانێ بئازادی و سەربخویی بژیت . ئەو پێنگاڤە بوو ناسنامەیەکا مێژوویی یانەمر بۆ دوزا رەوا یاکۆردی ،
هەلبەت خەبات و تێکوشینا سەروك بارزانی چ جاران نەهاتیە راوەستاندن . ئەو ئەڤرو ژی وەك مەرجەعەکی نەتەوەیی و نیشتیمانی یێ مەزن بەردەوامە داکوکی کرنا ل مافێن رەوا یێن گەلێ کۆردستانێ ژیانا وی نموونەیە لسەر خوراگری و نەهێلانا نائومێدیێ و ناڤێ وی دمێژوویا گەلێ مەدا دێ هەمیشە وەك سمبوولی ئیرادە و ئاشتیێ و ئازادیێ مینیت ؛