ئاییندێ ڕۆژئاڤا و هەرێمێ د ناڤبەرا فشارێن ئەحمەد شەرع و مەترسیا داعشێ
ئاوارەنێروەیی
ئەڤرۆ ڕۆژهەلاتا ناڤین و ب تایبەت هەر چار پارچێن کوردستانێ د قۆناغەکا گەلەک هەستیار و چارەنوسساز دا دەرباز دبیت.
گوهۆرینێن ب لەز یێن ل سوریێ و
هێرشکرنا دەڤەرێن کوردان ژلایێ هێزێن توندەرەو یێن ئەحمەد شەرع (جۆلانی)، نە بتنێ مەترسییە بۆ سەر ئەزموونا ڕۆژئاڤایێ کوردستانێ، بەلکو زەنگەکا مەترسیێ یە بۆ سەر قەوارێ هەرێما کوردستانێ و جیهانێ ب گشتی.
ڕۆلێ ئەمریکا د رودانێن سوریا دا و ئەو ڕێککەفتنا ل بن فشارا تورکیا و ب سەرپەرشتیا ئەمریکا ل سەر هەسەدێ هاتیە سەپاندن، نیشانا هندێ یە کو جیهان دیسا بەرژەوەندیێن خۆ ل سەر مافێن کوردان داناینە. ئەمریکا ب ڕێکا نێوەندگیرێن وەک تۆم بارک، هەول ددەت هێزێن کورد نەچار بکەت کو ژ دەڤەرێن عەرەبی پاشەکشێ بکەن و ئیدارەیا خوەسەر ژی بەرەڤ نەمانێ ببەن.
پرسیار ئەوە: ئەرێ ئەحمەد شەرح دێ ل سەر سۆزێن خۆ مینت، یان دێ سوریێ بەرەڤ حوکمەکێ توندڕەو یێ مەرکەزی ببەت کو کورد تێدا چ ماف نەبن؟
زیندانیێن داعش بۆمبەکا تەوقیت کریە چ گاڤا پەقیت دێ مەزنترین مەترسی ل سەر خەلکێ هەرێما کوردستانێ و جیهانێ ب گشتی دورست کەت هەر ژبەر ڤێ چەندێ ئەحمەد شەرع و هێزا وی یا توندرەو ئەو زیندانیێن داعشێ وەک کارتەکا فشارێ دژی جیهانێ و کوردان ب کار دئینن.
ئەگەر ئەڤ زیندانییە بهێنە ئازادکرن یان ب ڕێکا ئەحمەد شەرع بهێنە
عێراق و هەرێمێ ب دیتنا من تاکە چارەسەر بۆ ڤان تیرۆرستان سێدارەدانە، چونکی زیندان بۆ وان بوویە جهێ بێهنڤەدانێ و پلان دانانێ بۆ تاوانێن نوو ،
هەرێما کوردستانێ و پێدڤی ب یەکگرتنێ هەیە لێ مخابن وەکی مە دیتی وەلاتێن جیران ل دەمێ تەنگاڤیێ پشتا مە بەرداینە. تورکیا و ئێران بەرژەوەندیێن خۆ د لاوازیا مەدا دبینن. ل ئالیێ دی هێزا مە یا پێشمەرگەی، سەرەڕای قارەمانیا وان پێدڤی ب ڕێكخستنەکا زۆر یا ب هێز هەیە.
هەبوونا دابەشبوونا حزبی د ناڤبەرا پارتی و یەکێتی دا و نەبوونا یەکدەنگیەکا سەربازی مە دکەتە نێچیرەکا ب سانەهی بۆ تیرۆرستێن داعش.
پێدڤییە هەر دوو حزب هەمی ناکۆکیان بدەنە لایەکی و هێزەکا نیشتمانی یا گەنج و مەشقپێکری ئامادە بکەن بۆ پاراستنا سنۆرێن مە.
پەیاما دوماهیێ دۆز و داهاتیێ مە پێدڤی ب چاڤەکێ ڤەکری هەیە. ئەمریکا دێ بتنێ ل دویڤ بەرژەوەندیێن خۆ چیت و وڵاتێن جیران ژی چ جاران خێرا مە نەڤێت و پێدڤییە کورد ب خۆە ل هەر چار پارچێن کوردستانێ ب ئێک دەنگ بن و ئەگەر مە هێزا خۆ یا ناڤخۆیی ڕێك نەخست و مە ناکۆکیێن پارتی و یەکێتی چارەسەر نەکرن، دێ دیسا بینە قوربانیێ پلانێن دەولەتێن جیران و ململانێن نیڤ دەولەتی .
