ئـــــــــاخ …. زێیێ بادینان

بەختێ تە ئەم
نە ژ تۆخمێ ئـــاخ فرۆشاینە
خۆیاتییا خوە ژ خۆدیکێ وەردگرین
وەکو چاڤێ رۆژێ دبینین
کەڤالێ جوانیێ ب تیژکا هەتاڤێ دژەنین
چما نالینا سینگێ مە کریە حەسرەت
خۆیسارێ ل سەر خەمادا یا گرتی
شەرێ فهێتیا وە
نەشێت ئارمانجا مە داگیربکەت
خەونێن مە یێن
چارچۆڤەکری
پێلێن بلندیا دەریای دبڕیت
بتنێ ئەو ژانێن تەزی
لاشێ من یێ پۆسیدەکری
ترسا ژ دەستدانا ئاخێ یە
بلا هیڤیا دەرگەهێن زلهێزا نەمینن
وان پەیمانا ئاشتیێ یا بەندکری
بۆتە ئەی ئــــــاخ
ئەم هەمی شەرڤان و پێشمەرگەینە
دێ تۆخیب و سنۆرێن خوە
ژ نڤش و بەرمایکێن تۆزێ پارێزین.

صالح حکیم