حكوومه‌تی هه‌رێم پڕۆژه‌یه‌كی كاره‌با له چوار قوڕنه جێ به‌جێ ده‌كات
حكوومه‌تی هه‌رێمی كوردستان به‌بڕی 116 ملیۆن دینار پڕۆژه‌یه‌كی كاره‌با له چوار قوڕنه جێ به‌جێ ده‌كات.
له راگه‌یاندراوێكدا، وه‌زاره‌تی كاره‌بای حكوومه‌تی هه‌رێمی كوردستان بڵاویكرده‌وه:
پڕۆژەیەکی کارەبا بە بڕی 116 ملیۆن دینار لە چوارقوڕنە جێبەجێ دەکرێت ، راشیده‌گه‌یه‌نن: پرۆژەی راکێشانی فیدەرێکی نوێ لە وێستگەی چوارقوڕنەوە بۆ سنووری گوندەکانی (کانی ماران، گردجان، قەمتەران، قەرەنیاغا) جێبەجێ دەکرێت کە چەند ساڵێکە بەهۆی گەورەبوون و فراوانبوونیانەوە کێشەی بارزۆریی فیدەرەکەیان هەیە.
وه‌زاره‌تی كاره‌با ئاماژه بۆ ئه‌وه‌شده‌كات: بڕیارە پرۆژه‌كه لە ماوەی 40 رۆژدا تەواوببێت و بەتەوابوونیشی کێشەی بارزۆریی کارەبای ئەو گوندانە چارەسەر دەبێت.
