“٢٥” ئەیلوولێ بتنێ روژەك نیە ..دیروکەکە کو مللەتەکێ ب دەنگێ بلند گووتی : بەلێ بو سەرخەبوونێ

٢٥ێ ئەیلوولێ روژەك بو کو دەنگێ مللەتەکێ گەهشتیە بلندیا دیروکێ ، مللەتێ کورد هەمیا پێکڤە بێ جوداهیا حزبی و ئوول و مەزهەب هەوار دکر و دگوت بەلێ بو سەرخەبوونێ بەلێ بو ئازادیێ .

زوربەیا دەولەتێن جیران و بیانی هەول ددان کو ریفراندومێ تەجیل بکەن کو ل ٢٥ێ ئەیلوولا سالا ٢٠١٧ ێ هاتە ئەنجام دان سەروك و مەر جەعێ کوردان ” سەروك بارزانی” د پەیامەکێ دا گووت: ریفراندومێ تەجیل ناکەین ، ریفراندوم ئارمانج نیە بومە ، ریفراندوم وەسیلەیە سەرخوبوون ئارمانجە بومە ، کەرەمکە ل جیاتێ ریفراندومێ وی بەدیلی بومە بین ریفراندوم ئەسلەن پێویست ناکەت ،ریفراندومێ تە جیل بکەن دێ ڤێ بو هنگو بێژین و دێ ڤێ کەین مە وەعد زورێت گوهلێ بووی چ وەعد بجێ نەئینانە ریفراندومێ تەجیل ناکەین …

دڤێ روژا دیروکی دا ب رێبەرایەتی و بریارا زیرەکانەیا جەنابێ سەروك بارزانی ،خەلکێ کوردستانێ ب رەنگەکێ شارستانیانە دەنگ بو مافێ دیارکرنا چارەنڤیسێ خوە دا ، ئەڤ یادە وەک هەلوێستەکێ نیشتمانیێ نەمر و هەردەم زیندی و بەلگەیا نەتەوەیەکي د دیروکێ دا دێ مینتەڤە روژەك و یادەکا پیروزە د دیروکا کوردان دا بو هەتا هەتایێ ب پیروزی و پر شانازی ڤە دێ ساخ مینیت ..

٩ سال بسەر ڤێ رۆژا بهادار و پیروزدا تێپەرین کو ل سەردەستێ سەروك بارزانی دا ملیونەها کوردستانی یا ب دەنگەکێ بلند و ب هەستەکێ پری کوردینی ڤە گووتی بەلێ بو سەرخەبوون و ئازادیا کوردستانێ ..

د وی دەمی دا سەروك بارزانی گووت ژی :
یان ژیانا بن دەستیێ دێ هەلبژێرین ..
یان ژیانا سەربەستی و سەرخەبوونێ ..
باجا ژیانا بن دەستیێ ژ دەستدانا ئیرادە و کەرامەتێ یە بەلێ دێ ژیی .
باجا سەرخەبوون و سەربەستیێ سەرفەرازییە بەلێ ممکنە بمری ..

بو من ژی وەك هاولاتیەکێ هەرێما کوردستانی ئێك ژ خوشترین و پیروزترین و دەم دژیانا من دا ئەو دەمە بو کو ل ٢٥ێ ئەیلولا سالا ٢٠١٧ێ ب بریارا سەروك و رێنیشاندەر و لێڤەگەر و مەر جەعێ بالایێ مە کوردان “سەروك بارزانی” بەژداری د ریفراندوما دیروکی یا مللەتێ کوردا کری بو سەرخەبوون و ئازادی و سەربەستیا کوردستانێ ..
ئێکەم روژا ژیانا منە کو هەردەم شانازیێ پێڤە دکەم و ب شانازی ڤە باس ل ڤێ روژا دیروکی و پری شانازی پیروز دکەم .

ریفراندوم یادەکا دیروکی یە کو هەمی کوردان پێکڤە ب هەستەکێ پری نەتەوایەتی ڤە هەوار دکر و ب دەنگەکێ بلند دگووت بەلێ بو سەرخەبوونێ بەلێ بو ئازادی و سەربەستیێ بەلێ بو هەبوونا مە ..
ئێك بوونا کوردان بو هەمی جیهانێ دریاکر کو کوردێن هەی و داخازا سەرخەبوونێ دکەن داخازا مافێ رەوایێ خو دکەن کو ئەو ژی سەرخەبوونە ، ئازادیە ، سەربەستی .
کو چەندین سالە ژ دەردێ بن دەستیێ دنالن ژ زولم و زوردایێ و قوربانیدان و ئاورەبوون و دەربدەریێ و شەهید و ئەنفال بوونێ ئەم بێزاربوون و بێژنە جیهانێ ئێدی بەسە بن دەستی مە سەرخەبوون و ئازادی دڤێت کو مافێ رەوایێ مەیە ئەم ژ چ دەولەت و وەلات و نەتەوا کێمتر نینە مەژی ئازادی دڤێت ، مەژی دڤێت سەربەست بژین ، زمانێ مە و دیروکا پری سەروەرییا مە دیار دکەت کو ئەم هەژی سەرخەبوونێ و ئازادیێ نە …

ئەڤ یادە ل هەمی مللەتێ سەربەرزێ کورد پیروز بیت .

((دلۆڤان ئەمجەد بارزانی))