ئیدارەیا سەربخۆيا زاخۆ؛ بەرەڤ شەمالکا 5 ێ پری خزمەت و ئاڤەدانی
نڤێسین : زەنون سلێڤانەی
ئیدارەیا سەربخۆیا زاخۆ، ژ دەما راگەهاندنا خوە ڤە وەکو ئیدارەیەکا سەربخۆ، بوویە جهێ هیڤی و پشکا هەر ئێك ژ تاکێنڤە وەلاتیێن دەڤەرێ. ئەڤ بڕیارە ستراتیژی و گرنگ، ب پێنگاڤەکا مێژوویی هاتیە هژمارتن بو پێشڤەبرنا کەرتێن جوراوجور و خزمەتکرنا باژێرێ زاخۆ و دەوروبەرێن وێ، دا کو ببیتە ڕوویەکێ گەش و پێشکەفتی یێ هەرێما کوردستانێ.
هەڤکێشا نوویا ئاڤەدانی و پێشکەفتنێ
پشتی بووینە ئیدارەیەکا سەربخۆ، زاخۆ گوهۆڕینێن مەزن و بەرچاڤ د هەمیوارێن ژیانێ دا دیتن. پرۆژەیێن خزمەتگوزاری و ئاڤەدانی یێن مەزن ل ڤێ دەڤەرێ هاتینە ئەنجامدان، کو کاریگەریەکا ڕاستەوخۆ ل سەر باشترکرنا رەوشا ژیانا وەلاتییان هەبوویە. ژ گرنگترین وان کەرتێن کو پێشکەفتنا مەزن بخوەڤە دیتین:
- کەرتێ رێوبانان و پڕان: چێکرنا رێیێن دوو سایدی، پڕێن نوو و ڤەکرنا کۆلانێن نوی بۆ کێمکرنا قەرەباغێ و پەیوەندیکاریا د ناڤبەرا تەمامیا گوند و تاقمێن زاخۆ دا.
- پەرەپێدانا ژینگەهێ و باژێرڤانیێ: زێدەکرنا ڕووبەرێن سەوز، دروستکرنا پارک و جهێن گەشتیاری، و پاقژکرنا ڕووبارێ خابووری، کو بوویە ناسنامەیەکا جوان بۆ زاخۆ.
- کەرتێ گەشتیاریێ: زاخۆ بوویە جهەکێ سەرنجڕاکێش بۆ گەشتیارێن ناوخۆیی و ژ دەرڤەی ولاتی، ب رێکا بلندکرنا ئاستێ خزمەتگوزارییان ل جهێن گەشتیاری وەک پررا دەلال و مۆلێن نوو.
- بازرگانی و ئابووری: ب سەدەمێ دەرگەهێ سنوری یێ ئیبراهیم خەلیل و گەشەپێدانا بازرگانی، ئیدارەیا زاخۆ ئەڤڕۆ بوویە ناوەندەکا گرنگا ئابووری و دەرفەتێن کار بۆ گەنجێن دەڤەرێ دروستکرینە.
ئارمانج و پێشبینیێن پاشەڕۆژێ
ئارمانجا سەرەکی ژ ڤێ ئیدارەدانێ، ب جهئینانا خواستێن وەلاتییانە ب شێوەیەکێ گشتی، داکو زاخۆ ببیتە نموونەیا باژێرەکێ سەردەمیانە. ب دەستپێکرنا پرۆژەیێن ستراتیژی یێن بەردەوام، زاخۆ نوکە بەرەف قۆناغەکا پڕ ژ خزمەت و ئاڤەدانییێ ڤە دچیت، کو هیڤی و ئارمانجێن خەلکێ ڤی باژێری بجهـ دئینیت.
ب سەدەمێ کارێ ب کۆم و پیلانڕێژییا دروست، زاخۆ ئەڤڕۆ پێنگاڤێن مەزن دهاڤێژیت بۆ هندێ کو ببیتە پایتەختەکێ ئابووری و گەشتیاری یێ نموونەیی ل سەر ئاستێ هەرێمێ و دەڤەرێ ب گشتی.
