ئه‌منی هه‌رێما كوردستانێ خه‌تا سورە
هندەك جار دهێته گوتن كو هه‌رێما كوردستانێ ژ لایێن ده‌وله‌تا عێراقێڤه يا هه‌ڕه‌شه‌كرنێ دايه و دڤێت ڤه‌بگه‌ڕێته بن ده‌ستهێلاتا ناوه‌ندی، لێ ئەڤ قسه ل گه‌ل ده‌ستوورا عێراقێ ناگونجیت. ده‌ستور به ئاشكه‌رايی ديار دكه‌ت كو عێراق ده‌وله‌ته‌كا فيدرالييه و هه‌رێما كوردستانێ به‌شه‌كه سه‌ره‌كى ژ ئەڤ سيسته‌مێيه و مافێ خودپه‌رێز و خودبه‌ڕێڤه‌بِرنێ يا ياسايى هه‌يه. ئەڤ ماف نه هاتيه به‌خشيـن، به‌لكو گه‌لێ كورد به هزاران شه‌هيد و قوربانيان به‌ده‌ست خستيه.
ئه‌ڤرو هه‌ولێن هندەك ده‌وله‌تێن هه‌رێمى، بازرگانێن شه‌ڕ و ئه‌وانێن كو دڤێن ئالۆزى چێبكه‌ن، ئارمانجا وان ئەوه كو هه‌رێمێ بگه‌ڕيننه دۆخا رابردوو. لێ ره‌به‌رێن سياسى يێن هه‌رێما كوردستانێ باش دزانن چ دئه‌ڤ ئاسۆیێدا دهێته پلانكرن و كارى بن مێزانان بگوهۆڕن.
ئه‌منى هه‌رێما كوردستانێ ئێستا بويه يه‌ك ژ گرنگترين بنه‌مايێن ئاراميا رۆژهه‌لاتا ناڤين. هه‌ر ژبه‌ر ئه‌وه‌يه كو هێزێن پێشمه‌رگه ل هه‌رێما كوردستانێ و هێزێن كوردى ل رۆژاڤا كوردستانێ، ل گه‌ل هاوپه‌يمانا نێوده‌وله‌تى، رۆلێكى گرنگ ل شكستنا داعشێ هه‌بوو و هزاران شه‌هيد داين بۆ پاراستنا ئه‌منيا هه‌رێم و جيهانێ.
بۆيه، زۆر ده‌وله‌تێن جيهانێ باش دزانن كو ئه‌منى هه‌رێما كوردستانێ خه‌تا سورە و نابێت كه‌س به ئه‌منيا و ئاراميا وێ بيلێزێت.
جیهاد ئه‌دهەم
ڕۆژنامه‌ڤان
