قەوارێ هەرێما کوردستانێ: پێکڤەژیان د چارچوڤێ دەستووری دا؛

زەنون سلێڤانەی ـ زاخو

ئەڤرۆ دەمێ ئەم بەحسێ قەوارێ هەرێما کوردستانێ دکەین، ئەم نە بەحسێ پارچەکرنێ دکەین، بەلکۆ ئەم بەحسێ پاراستنا دەستکەفتێن نەتەوەیی و نیشتمانی دکەین د چارچوڤێ عێراقەکا ئێکگرتی، فیدرال و دیموکرات دا، کو ب دەنگێ گەلێ کوردستانێ و ب رێککەفتنێن سیاسی یێن ل سەر ئاستێ عێراقێ هاتییە چێکرن.
قەوارێ هەرێمێ؛ بنەمایەکێ ب هێز بۆ سەقامگیریێ
قەوارێ هەرێمێ ب درێژاهیا سالێن بۆری سەلماندیە کو ئەو دەرگەهێ ئارامیێ یە ل عێراقێ. ب هێزبوونا هەرێمێ، ب مانا لاوازبوونا عێراقێ نینە، بەلکۆ پێچەوانەیە؛ هەرێمەکا ب هێز و ئاوەدان دکاریت ببیتە پشتەڤان و بنەمایەکێ سەقامگیریێ بۆ هەموو عێراقێ. ئەڤ قەوارە ب ڕێیا دەستوورێ عێراقێ (د سالا 2005 دا) هاتییە چەسپاندن و دانپێدان ب وی هاتییە کرن.
سەوەریا عێراقێ و مافێن دستووری
د دەما بەحسێ سەروەریا عێراقێ دهێتە کرن، دڤێت ئەم تێگەهشتنەکا نوی بۆ سوروەریێ هەبیت. سەروەریا راستەقینە یا عێراقێ د وێ چەندێ دا خۆ دبینیت کو پاراستنا مافێن هەموو پێکهاتەیان سەروەریا دابەشبوویە ل سەر بنەمایێ هەڤپشکیا د دەستهەلاتێ دا. رێزگرتن ل بنەمایێن فیدرالی: بێی رێزگرتن ل تایبەتمەندیێن هەرێمێ، سەروەریا عێراقێ دێ بیتە تشتەکێ رۆتینی و بێ بنەما. شەرعیەتا دەستووری: دیتنا هەرێمێ وەک قەوارەیەکێ دەستووری، مەرجێ ئێکگرتن و بەردەوامیا عێراقێ یە.،
پاشەرۆژا ئێکگرتی؛ ل سەر بنەمایێ دادپەروەریێ
بۆ هندێ کو عێراقەکا ئێکگرتی و ب هێز هەبیت، دڤێت چارەسەریا ئاریشەیێن د ناڤبەرا هەرێمێ و بەغدا دا ب شێوازەکێ ریشەیی بێتە کرن ،
جێبەجێکرنا دەستووری: نە بتنێ د بوارێ ئابووری دا، بەلکۆ د هەموو بوارێن سیاسی و ئەمنی دا.پشکداریا راستەقینە د بڕیارێن چارەنڤێسسازێن عێراقێ دا دیتنا پاشەرۆژێ: دڤێت هەموو ئالی تێبگەهن کو هەرێم وەک قەوارەیەکێ دەستووری، دێ بیتە هاندەرەک بۆ پێشکەفتنا عێراقێ ب گشتی، نەک ئاستەنگ.
ل کۆتاییێ قەوارێ هەرێمێ خەونا ب ملیۆنان مرۆڤانە و دەرئەنجامێ قوربانیدانێن بێهژمارە. پاراستنا ڤی قەواری د چارچوڤێ عێراقەکا فیدرال دا، نە تنێ مافەکێ دستووری یە، بەلکۆ مسۆگەرکرنا دادپەروەریێ یە بۆ هەموو گەلێن عێراقێ. ئێکگرتنا عێراقێ ب زۆریێ و “لاوازکرنا هەرێمێ نابیت، بەلکۆ ب باوەریێ و رێزگرتنێ ل مافێن ئێکودوو دێ بیت.؛