گرێبهستا زێدانی دگهل ریال مهدرید ل هاڤینا سالا 2022ێ دێ بدوماهیك هێت
راپورتێن روژنامهڤانی ل فرهنسا ئاماژه ب چارهنڤێسێ زێنهدین زێدان راهێنهرێ ریال مهدرید دكهن ل دهمێ چوونا وی ژ یانا ئسپانی.
گرێبهستا زێدانی دگهل ریال مهدرید ل هاڤینا سالا 2022ێ دێ بدوماهیك هێت و ههمی ئاماژه بۆ وێ چهندێ دچن ل ڤێ هاڤینێ زێدان ژ یانا شاهانه بچیت پشتی نهشیای چ ناسناڤهكی بدهستڤه بینیت.
روژناما لكێپ یا فرهنسا ئاشكهرا كریه ل ڤێ حهفتیێ زێدان دگهل فلورهنتینو پێرێز سهروكێ یانێ دێ كومبونهكێ كهت بۆ دیار كرن و ئێكلایی كرنا چارهنڤێسێ خۆ.
بهحس ل ڤهگهریانا زێدانی دهێته كرن بو یانا یوڤێنتوس پشتی سالا 2001ێ بهلێ ئهڤ جاره وهك راهێنهر، چارهنڤێسێ پێرلو راهێنهرێ نوكه یێ یوڤێنتوس د مهترسیێ دایه بتایبهت پشتی ناسناڤێ خولا ئیتالیا ژدهست دای.
یانا یوڤێنتوس ئێكانه جهـ نسنه بزاڤێن ڤهگوهاستنا زێدانی بدهت بهلكو ههلبژارتیێ فرهنسا ژی دخوازیت زێدانی بكهته راهێنهر.
