چیرۆکا “چێلان و قەسابان”
رۆژەکێ ژ رۆژان، هەمی چێلان دەڤەرەکێ بڕیارا کۆمببنەکێ دا کو پلانەکێ دابنێن. ئەو گەلەک ژ قەسابان تووڕە ببوون، چونکی قەسابان بەردەوام ئەو دبرنە سەربڕخانێ بۆ گوشتێ وان.
چێلەکێ گۆت: «ئەڤ قەسابە دوژمنێن مە یێن هەرە مەزنن! وەرن دا ئەم هەمی پێکڤە هێرشێ بکەینە سەر وان و ب قۆچێن خۆ یێن تیژ وان ژ ناڤ ببەین. ب ڤی ڕەنگی دێ ئێدی کەس نامینیت مە بکوژیت.» وان سۆند خۆار کو ئەڤێ چەندێ بکەن.
د ناڤ کۆمەڵێ دا، چێلەکێ گەلەک پیر و شارەزا هەبوو کو ب هێمنی گوهێ خۆ دابووێ. ئەو ڕابوو و گۆت: «براێن من، ئەز تێدگەهم کا هوین بۆچی هند تووڕەن. بەس کێمەکێ بیر لێ بکەنەڤە. ڕاستە ئەڤ قەسابە مە دکوژن، بەس ئەوان شارەزایی یا هەی و ب چەقۆیێن تیژ ڤی کاری دکەن، کو دبیتە ئەگەر ئازارا مە کێمتر لێ بهێت.»
چێلا پیر بەردەوام بوو و گۆت: «ئەگەر ئەم قەسابان ژ ناڤ ببەین، دێ خەلکەکێ دی یێ نەشارەزا مەهەمیان ب چەقۆیێن کۆل و ب ئێشەکا گەلەک پتر مە سەرژێ کەن. قەساب دێ چن، بەس گوشتخۆر دێ هەر مینن. ئەگەر قەساب نەبن، حالێ مە دێ گەلەک خراپتر لێ هێت.»
دەمێ چێلان ئەڤ ئاخفتنە بهیستی، تێگەهشتن کو هندەک جاران ئەوا ئەم ب دوژمن دزانین، ڕەنگە چێتر بیت ژ دوژمنەکێ نەناس یار کو دبیت یێ درندەتر بیت. لەوما ژ بڕیارا خۆ پەشیمان بوون.
وانەیا چیرۆکێ
«هەمیشە چێترە تو ل بەر وی نەخۆشیێ بگری یا کو تو دناسی، نە کو پەنایێ ببەیە بەر تشتەکێ نادیار کو رەنگە کارەساتەکا مەزنتر بیت. گوهۆڕینا بێ بیرکرنەوە، هەر گاڤێ نە چارەسەرییە.»
