پولیسێن ئـاکـرێ چار تومەتبار سەرا تاوانا دزیێ دەستەسەرکرن
زێیێ بادینان
پشتی نڤیسینگەھا نەهێلانا گونەهباریا سیپە هاتیە ئاگەهدارن و دۆز هاتیە تومارکرن ژلایێ زەلام و ئافرەتەکێ ب هەبوونا تاوانەکا دزیێ ل بازارێن نەروزز بازار و نێرگزمول ل ئاکرێ.
ئێکسەر ئەفسەر کارمەندێن مە ل نڤیسینگەھا نەهێلانا گونەهباریا سیپە دەست ب دیفچوون و ڤەکولینێ کر.
و د ئەنجامدا و برێکا کامیرێن چاڤدێریێ شیان ئەنجامدەرێن تاوانێ دەستنیشان بکەن و دیاربوو کو لرۆژا ٢٨ / ٢ / ٢٠٢٦ زەلامەك و سێ ئافرەتان سەرەدانا بازارێن ( نەورۆز بازار و نێرگز مـۆل ) ل ئاکرێ کریە و رابووینە ب دزینا ( سێ ملیۆن و حەفت سەد و پێنجی هزار دینارێن عێراقی ) دگەل ( چار بازنک و رستکەك و گوستیلکەك کو دبیتە 12 مسقالێن زێری ) ئەڤ کوژمێ پارەی و زێر ژ چەنتا ئافرەتەکێ دزینە کو دگەل زەلامێ خۆ قەستا بازارێ ناڤبری کریە بمەرەما کرینا کەلوپەلان.
خۆشبەختانە مەفرەزا نڤیسینگەھا نەهێلانا گونەهباریا سیپە ب هەماهەنگی دگەل بنگەهێ ئاسایشا زالگەهێن ئاکرێ ل زالگەها گوندێ چەمەی شیان ئەڤان چار تومەتباران دەستەسەر بکەن بناڤێن :
١ ـ تومەتبار زەلام « ل . د . ج »
٢ ـ تومەتبار ئافرەت « و . د . ج »
٣ ـ تومەتبار ئافرەت « خ . د . ج »
٤ ـ تومەتبار ئافرەت « س . ح . ج »
ـ دگەل دەستەسەرکرنا ترومبێلا وان ژ جۆرێ پیک ئاب دێر.
بۆ زانین هەر چار تومەتبار ئاکنجیێن باژێرێ هەولێرێ نە بۆ مەرەما خازخازۆکیێ سەرەدانا ئاکرێ کریە.
ب بریارا رێزدار دادوەرێ ڤەکولینا ئاکرێ لدیف بەندێ «٤٤٦ ی.س» هەر چار تومەتبار هاتینە دەستەسەرکرن و ڤەکولین دگەل وان بەردەوامە.
لەوما داخازێ ل هاولاتیان تایبەت ئافرەتان دکەین کو لدەمێ سەرەدانا بازار و جهێن گەشتی دکەین تنێ کۆژمێن پێتڤی ژ پارەی دگەل خۆ ببەن.
