Skip to content
كۆمپانییا مێترۆپۆل بۆ ڤهكۆلینێن سیاسى و جڤاكى راپرسییهك ل دۆر ههلبژارتنێن توركیا كرییه و راگههاندیه، ههكه حهفتییا بهێت ههلبژارتن ل توركیا بهێنه كرن، ههڤپهیمانییا ئۆپۆزسیۆنێ ب ههشت خالێن زێدهتر دێ سهركهڤیت.
پرۆفیسۆر ئۆزهر سانجار، سهرۆكێ كۆمپانییا مێترۆپۆل د تویتهكى دا راگههاند، ل گۆرهى ئهنجامێن داوى راپرسییا وان ل دۆر ههلبژارتنێن بهێن یێن توركیا، ههڤپهیمانییا مللهت یا ژ حزبێن ئیى پارتى و جهههپێ پێكدهێت دێ 48 ژ سهدێ یا دهنگان بهت، همبهرى وێ ههڤپهیمانییا جمهوور یا دهستههلاتدار ژ حزبێن ئاكهپێ و مهههپێ پێكدهێت دێ 40 ژ سهدێ یا دهنگان بهت.
ل گۆرهى وێ راپرسیێ 11 ژ سهدێ ژ پشكداران خوه ئێكلا نهكرییه كا دێ دهنگێ خوه ب كێ دهن.
ژبهر رهوشا نها یا ئابوورى ل توركیا ئۆپۆزسیۆن داخوازا ههلبژارتنێن پێشوهخت دكهت و حزبێن دهستههلاتێ ژى ل دژى وێ یهكێ نه و ئاشكرا دكهن، ههلبژارتنان ژڤانێ خوه ههیه و دێ ل مهها خزیرانا 2023ێ هێنه كرن.
