مستەفا کازمی ، پرانییا كێشێن دناڤبه‌را هه‌ولێر وبه‌غدا دا هاتنه‌ چاره‌سه‌ر كرن

مسته‌فا كازمى سه‌رۆك وه‌زیرێن عیراقێ د كۆنفراسه‌كێ رۆژنامه‌ڤانى دا ل به‌غدا راگه‌هاند: پرانییا كێشێن دناڤبه‌را هه‌ولێر وبه‌غدا دا هاتنه‌ چاره‌سه‌ر كرن و چه‌ندین رێك بۆ چاره‌سه‌ركرنا كێشێن دناڤبه‌را هه‌ولێر و به‌غدا هه‌نه‌.

 كازمى راگه‌هاند ژى: هه‌یڤانه‌ 5 ملیار دۆلار بۆ مووچێ فه‌رمانبه‌ر و خانه‌نشینان دهێته‌ دابین كرن و 2 ملیار دۆلار ژى بۆ خه‌رجیێن بكارخستنا حكومه‌تێ دچیت و سه‌رجه‌مێ گشتى د ساله‌كێ دا 84 ملیار دۆلارن.

سه‌رۆك وه‌زیرێن عیراقێ گۆت ژی: نوكه‌‌ یه‌ده‌كێ پارێ بانكا ناڤه‌ندى یاعیراقێ 76 ملیار دۆلارن به‌ری نوكه‌ 50 ملیار بوون” هه‌روه‌سا سوزێ دده‌ین كو هه‌تا دووماهییا سالێ یه‌ده‌كێ پارێ عیراقێ بگه‌هیته‌ 90 ملیار دۆلاران.