دابەشكرنا مووچێ هەیڤا 12 دێ دەستپێكەت
ب بڕیارا سەرۆكێ حكومەتا هەرێما كوردستانێ مووچێ هەیڤا (12) یێ فەرمانبەرێن هەرێمێ دێ ل دەمێ خۆیێ دیاركری هێتە دابەشكرن، و د ڕۆژێن بێهنڤەدانا سەرێ ساڵێدا چوار وەزارەت و لیوایێن هەڤپشكێن پێشمەرگەی دێ مووچەی وەرگرن.
ل گورەی بڕیارا سەرۆكێ حكومەتێ، دماوێ بێهنڤەدانا سەرێ ساڵێدا، دابەشكرنا مووچێ هەیڤا (12) دێ دەستپێكەت، و وەزارەتێن ساخلەمی و پێشمەرگە و دارایی و ئابووری و ناڤخۆ، دگەل لیوایێن هەڤپشكێن پێشمەرگەی كو پارێ وان ژلایێ هەڤپەیمانانڤە دهێتە دابینكرن، دێ مووچەی وەرگرن.
ل گورەی بڕیارێ مووچە دێ بێی ژێبڕین هێتە دابەشكرن.
ئەڤە د دەمەكیدایە كو فازل نەبی، بریكارێ بەرێ یێ وەزارەتا داراییا عیراقێ ڕاگەهاند، ئێدی حكومەتا بەغدا هەیڤانە 200 ملیار دیناران بۆ هەرێمێ نا هنێریت.
