بۆچی گەنجێن مە ل رابردوویەکێ دگەرن کو تێدا نەژیاینە؟
نڤیسەر [ فەرهاد فەتاح سندی ]
- دیاردەیا رەڤین ژ راستیێ:
وەک دەرچوویەکێ زانستێ مروڤایەتی،ئەم دبینین دیاردەکا سەیر دناڤ جڤاکێ مە یێ ئەڤڕۆ دا یا بەلاڤ دبیت: گەنجێن تەمەن
٢٠ یان ٣٠ سالی، ب حەسرەتەکا مەزن بەحسی” سادەاتییا زەمانێ بەرێ “دکەن!
پرسیار ئەوە: بۆچی ئەم حەز ژ سەردەمەکێ دکەین کو مە ب چاڤێن خۆ نەدیتیێە؟ - شکەستنا ” مانا ” د جڤاکێ نوی دا:
دجڤاکێ مە یێ جەنجەل دا، کو هەمی تشت یی ب لەز و ماددی بووی، ڕابردوو وەک” بەهەشتەکا بەرزەبووی ” دیار دکەت.
نۆستالژیا ل ڤێرێ نە بتنێ بیرهاتنە، بەلکو کاردانەوەیەکا دەروونی یە دژی فشارێن ژیانا مۆدێرن.ئەم حەز ژ وێنەیێن رەش و سپی دکەین،چونکی هەست دکەین” ڕاستگۆی ” تێدا پتر بوو.
کۆمەڵناسێ مەزن زێگمۆنت باومان( Zygmunt Bauman ) دپەرتۆکا خۆ یا دوماهیێ ب ناڤێ( Retrotopia ) دبێژیت” مرۆڤێ ئەڤڕۆ ئێدی باوەڕی ب پاشە ڕوژێ نەمایە وەک جهەکێ باشتر، لەوما ب هێزا خەیالی ڤەدگەریتە ڤە بۆ ئاڤاکرنا جیهانەکا ئارام،( ئۆتۆپیایەکئ ). دناڤ رابردوویەکێ جوانکری دا “ - خەلەتیا مەزن: ” مان دناڤ خەونان دا “
خەلەتی ل وێرێ یە کۆ ئەم هێزو شیانێن
خۆیێن ” ئەڤڕۆ ” ون دکەین ب وێ هێجەتا کو ” بەرێ هەمی تشت جوانتر بوو “
زانستێن مرۆڤایەتی مە فێر دکەن کو ڕابردوو وەک ” قوتابخانە ” یە بۆ وەرگرتنا ئەزموونان،نەک وەک ” زیندانەک ” کو مە ژ داهێنانا ئەڤڕۊ یەکبێخیت. - پەیاما دۆماهیکێ:
سادەاتییا بەرێ تشتەکێ پیروزە،بەلێ ئەرکێ مە یێ فکری ئەوە کو وێ سادەاتی وەک
” روح ” بکار بینین نەک وەک ” پەرستگەهێ “
گەنجێ سەرکەفتی ئەو نینە یێ بتنێ وێنەیێن کەڤن بەلاڤ دکەت، بەلکو ئەوێ کو دشێت ” ئەخلاقێ جڤاکی یێ بەرێ ” دگەل زانیارییا ئەڤڕۊ تێکەل بکەت داکو، “پاشەڕوژەکا بهێزتر ئاڤا بکەت “
