هەر دەما باوەری نەما، ترس پەیدا دبیت
ناجح بێجانی
ژ کەڤندا هاتییە گۆتن:
«ئەگەر مرۆڤ و هەڤژینا خوە ئێک بن، گوندەک نەشێت مرۆڤی،ژ خوە ئەگەر مرۆڤ و گوندیێن خوە ئێک بن، عەشیرەک نەشێت مرۆڤی.»
باشە ئەگەر مرۆڤ و مللەتێ خوە ئێک بن، ئەرێ کی دێ شێت مرۆڤی؟بۆچی مەبەحسا ئێکگرتنێ کر و مەرەم ژ ئەڤێ ئێکگرتنێ چییە؟
ل ڤان ڕۆژێن دووماهییێ ، ب دەهان گوتار و بۆچوونێن جودا، ژ مالپەڕ و کەنالێن تێلەفزیۆنێ یێن ڕۆژانە ل بەر چاڤێن مرۆڤی دکەڤن.هەر کەسەک ژ دیدگەهـ و سەربۆرییا خوە یا ڕادەربڕینێ دکەت. ئەڤە مافەکێ وانە، چونکی هەر کەسەکی سەربۆری و ئەزموونێن خوە هەنە، و دئەڤێ بیاڤێدا ترس و نیگەرانی ،هێشتا د دلێ پرانییا خودانێن ڤان گوتاراندا هەیە بێ‌ئومێدی پێڤە دیارە،و ئەڤ بێ‌ئومێدی یە، بەرەف زێدەبوونێ ڤەدچن ، کاریگەرییا خوەل سەر باوەرییا جڤاکی ژی دێ هەبیت.ئێکگرتن واتە هێز،هێز ب بێ باوەری پەیدا نابیت. ئێکگرتن تەنێ ئەوە نییە کو ل سەر زمانێ هەر کەس بێژیت: ئێکگرتن ئەڤەیە،کو د کاودانێن سەخت و دژواردا، باوەری ب ئێکدو هەبیت وهێزا خوە ژ دەست نەدەین ،هەر دەمەکێ باوەری لاواز دبیت، ترس جهێ وێ دگریت پەرتەوازی پەیدا دبیت، دوودلی زێدە دبیت،
باوەری ب نەبوونا خوە و هێزاخوە نەبیت ئەڤە ئاریشەیەکا مەزنە،ب تایبەتی بۆ مە کوردان. مە ژ کەڤندا هەتا ئەڤڕۆ گەلەک جاران ئەم یێن تووشی ڕوودان و بارودۆخێن سەخت بوون هەر گاڤا نەخۆشییەک یان قەیرانەک یان مەترسییەک ب سەر مەدا هاتی کاریگەرییا وێ ل سەر مە دیاربوویە وچارەسەری ژ ی نە ددەستێ مەدایە.
لەوما، ئەم ژ هەر تشتی ب گۆمانن و هەندەک جاران پاراستنا ئەو تشتی بۆ مە دبیتە کارەکێ مەحال، ئەگەر مە بڤێت پاشەرۆژەکا باشتر هەبیت، پێدڤییە ژ خوە بپرسین: باوەرییا مە ب خوە هەیە،چونکی مللەت ب تەنێ ب ژمارا خەڵکیێن وێ نەبیتە هێز؛ مللەت ب هێز دکەڤت دەما خەلکێ وێ باوەری ب ئێکدو هەبت دگەل هێزێێن دەستهەلاتدارییێ ئێکدو تەمام دکن د بارودوخێن سەخت و دژواردا ل هەڤ بکن ژ ئێک دوور نەکەڤن و بەرپرسیارەتیا باشەرۆژێ ل سەر ملێن هەر کەسەکییە،
ئێکگرتن ژ باوەرییێ دەست پێ دکەت، ئەڤجا ئەم پێدڤی ئەوێ ڕۆژێ بوون ، دوستایەتی وبەرژەوەندی بۆ پاشەڕۆژەکا گەشتر گەلەک باشە، لێ دڤێت ئەم بێ ئومێد نەبن، ئەم ب خوە ئەرکێ پاراستنێ ب خینە سەر ملێن خوە ، ژبەرکو هەردەما مرۆڤ شییا خوە ب بارێزیت پاشی دێ تە دوستێن باش هەبن تە بپارێزن، هەردەما باوەری نەما ترس پەیدا دبیت، هەردەما باوەری هەبیت هێز ژ نووی ڤەدگەریت
