پشكا هەرێما كوردستانێ د پرۆژەیاسایا بودجەیا عێراقێ دا ب ڕێژەیا %12.70 هاتیە دیاركرن

​🟡 ل گۆر ڕاپۆرتەكا فەرمانگەها میدیا و زانیاری یا هەرێما كوردستانێ، ڕێژەیا ئاكنجیێن هەرێما كوردستانێ %14.14ـە ل سەر ئاستێ عێراقێ.

​🟡 پشكا هەرێما كوردستانێ د پرۆژەیاسایا بودجەیا گشتی یا عێراقێ دا بە ڕێژەیا %12.70 هاتیا دیاركرن، ب ڤێ چەندێ ژی هەر كێمكرنەك دێ كاریگەرییا نەرێنی ل سەر بەشەبودجەیا كوردستانێ هه‌بیت.

🟡 بودجەیا ساڵا بهێت یا عێراقێ ب 160 تریلیۆن دیناران دهێتە خەملاندن، بەلێ د دەستپێكێ دا 60 تریلیۆن دینار بۆ خەرجییێن سیادی و حاکیمە دهێنە دەرهینان و 100 تریلیۆن دینار دمینن.

🟡 ژ وی 100 تریلیۆن دیناری، پشكا هەرێما كوردستانێ دهێتە جوداكرن كۆ دبیتە 12 تریلیۆن و 700 ملیار دینار، ئانكو ب ڕێژەیا سەدا سێ ژ بودجەیا ساڵا بورى زێدەترە.

🟡 ئەڤ زێدەبوونا ڕێژەیی د دەمەكی دا یە كۆ حکومەتا هەرێما كوردستانێ بتنێ بۆ مووچەیێ ساڵانە پێدڤی ب 11 تریلیۆن و 700 ملیار دیناران هەیە.