دوهی و ئـەڤـرۆ و سوباهی ..؟
….محمد مراد ……
دوهییا مه کوردان بخوین و پری ئیش و ئازار و نەخوشی بوو، ژ کوشتن ئەنفالکرن سێدارەدان ئاوەرە و دەربەدەری و زیندان و سێداردان و بن ده ستی بوو،خەبات و شورەش ل دیف شورەشێ ئینکار ناهێته کرن، ژ بەرخودانا مللەتێ کورد دژی ستەم و زلم و زورداری کو رویبارێن خوینێ هاتینە رشتن و هزاران گەنج و لاو و پیربوینه قوربانی دوهییا مه ئانکو دوهییا مه بخوینا د سەر مه دا دەرباز بویە هەتا ئەڤرو هاتی.
ئەڤرویا مه و مللەتێ کورد باشی و خرابیێن خو هەنه یا خوش مللەت لسەر جهو و وارێت خو ئاکنجی نە و دئازادن و ژبن زولم و زورداریێ قورتال بوینه مروڤ هەست بهەبونا خو دکەت کورده و یێ دئازادیێ دا دژیت .لێ مللەت ئارام و تەنا نینه هەست ب نەخوشیێت سیاسی و دوبەرەکییا حزبی و هەبونا دوو زونێت کەسك و زەر دکەن، کو دبن جهێ نه ئارامییا مللەتی،سەخمەراتی ئازادی و ئارامی لێ بگشتی خەلك دامایه ژ رەفتارێن حزبێن سیاسی کو بوینە ئەگەرێ پارچەکرنا هەرێما کوردستانێ لسەر دوو زونێت کەسك و زەر کو دبنه ئەگەرێن نه ئارامی و نەخوشییا دناف مللەتی دا کو ژسالا 1994 وەرە چارەك نەهاتییە دیتن ئەڤ دیوراێ برلین دناڤبەرا زوما کەسک و زەردا بهەرڤیت خەلک هەست ب ئارامیێ بکەت دهەرێمەکا ئازاد دا.
سەخمەراتی هندێ و ئەڤان دوبەرەکییا دناڤبەرا هەردوو زومادا پێشکەفتن و پروژه دهەمی بییاڤادا هاتینە پێش و کو ئەم لسەر ئاخا کوردستانێ دەولەتین و دان وستاندنێت دەولەتێ لسەر عەردی دگەل مە دهێنەکرن لێ مخابن دنافخویا خودا ئەم رزینه و کەیفا دوژمن بمە دهێت و هەردەم حەزدکەن کوردستان و هەرێما کوردستانێ هەڤرکییا سیاسی تێدا هەبیت لسەر پوسته و دەسەلاتێ بسەرو چاڤێت ئێک ڤەبن داکو مللەتێ کورد ئارام و تەنا نەبیت وهزر ل چ ئارمانجێت دی نەکەن و دوژمن مفای ژ ڤێ هەڤرکا سیاسی دبینن و بچاڤێت نزم بەرێ خو ددنه هەرێما کوردستانێ.
صوباهی مه دڤێت ئەم هزر بکەین ئەوا چوی خەباتەك بو هەتا ئەم گەهشتینه ئەڤروو نه زێدەتر داکو بشێن سوباهییا خۆ پارێزین و خەباتەکا سەردەمی بکەین بو ئارمانجێت سوباهی چنکو حەزێن دوهی نەك وەك یێت ئەڤرونه سوباهی دێ حەزێن مە گەلەك زەحمەتر لێ هێن و ژیان دناڤبەرا دوهی و ئەڤرودا وەك ئێک نینه سوباهییا مه بزەحمەتر دوهی مه ئازادی دڤیا نه زێدەتر ئەڤرو مه پروژه و ئاڤاکرن دڤییا سوباهیا مه خواستێت ژیانێ دڤێن کو خاستەکا هەمی مروڤان تشتەك هەبیت پێ بژیت دادپەروەری وەكهەڤی لسەر ڤێ ئاخێ دڤێت هەبیت داکو هەمی مروڤ بژین نەک کەسەک تێر بیت و هزار کەس برسی بن،،،،
سوباهییا مه بخێر نابیت ئەگەر دڤی وەلاتی دا تنێ کەسێن زەنگین بژین و ئەوێن دی هەمی دەستتا بوو بقوتن،چنکو سوباهی ئەوێن دەستتا دقوتن پێکڤه دێ ب تیرو روما کەڤنه سەر پشتا مه، دوژمن دێ دەستتا قوتیت ،سوباهییا مه سەردەمێ تەکنولوجییا وسوشیال میدیا و پێتڤیت زێده یێت هەمی خێزان و کەس و تایبەتی گەنجێن نوکەیە کو پێتڤی پێتڤیت روژانه ژ ئنترنێت و موبایل و پەیج و خەرجیێت روژانه دبێ کار ،.لەو ئەم هزر بکەین دوهییا مه حەزا گه نجا یا ئەڤرو وان تێر ناکەت و ژیان و خوشی و دڤێن ،هندی بو بێژین دوهی مه نان نه بو بخوین ئه ڤرو سوپاس بو خودێ ئه م دئازادین و ژ ترس و برسێ قورتال بوینه،ناچیت سەرێ وی دا ئەو یێن دخوشیا ئەڤرو ژ دایک بوین ل هیڤیا سوباهیه کاخو ش و ئایندەکێ باشترن..،
