خیانەت … زێیێ بادینان

سەلاح سندی
ب گوتــنا ئـــەو یـــارن
ب کریار گورگێت هارن
دژی کـــوردا نەیــــارن
کێ زانی کورە مــــارن

پەیمان ب مەرا ئیمزاکرن
خیانەت لە پەیمانێ کرن
هێرشی تاخێ کوردا کرن
ب زوری ژ مــال دەر کـرن

ئاوارە بین دیســــاڤە
مێژوو دووبارە بیــڤە
خوینا تفالا رشتـە ڤە
بێ ئەگەر کوشتنــەڤە

تاخێ کوردا ئەشرەفی
خودان غیرە و شەرەفی
شێخ مەقسود شەريفی
چوکا نا دانی وب رەڤی

بیرا وە ناهێت کۆبانێ
داعش مە بر نەمانــێ
وە ژ بیر کر نەوەرانێ
وی ئاگرێ دو مــانـێ

دلێ وە دچت شـــەرا
خۆ فروتـن ب پــــەڕا
هەڤسارکرن مینا کـەرا
دێ رەجم کن ب بـەرا